Hvernig velur þú markmannshanska? Stærð, grip og skurður

Markmannshanskar eru mikilvægasta verkfæri markmannsins — og algengasta spurningin í búðinni okkar. Hér er það sem skiptir raunverulega máli þegar hanskar eru valdir.

1. Stærðin: mældu höndina

Mældu ummál handarinnar rétt fyrir ofan þumalinn (án þumals). Sentimetratalan gefur grunnstærðina og á hverri vörusíðu hjá okkur er stærðartafla. Hanskinn á að vera um hálfum til heilum fingri lengri en lengsti fingur — of stórir hanskar gera boltann valtan, of litlir slíta gripinu strax.

2. Skurðurinn (cut)

• Negative cut — saumar innan á fingrum, hanskinn situr þétt. Vinsælast hjá eldri iðkendum og atvinnumönnum.
• Roll/gunn cut — latexið rúllar utan um fingurna, meira snertiflatarmál við boltann.
• Flat cut — klassískur flatur lófi, rúmari passform, algengur í barnahönskum.

3. Grip vs. ending

Hér gera flestir mistökin: mýkra latex = betra grip = minni ending. Leikjahanskar með keppnislatexi geta byrjað að slitna eftir fáar vikur á gervigrasi — það er eðlilegt, ekki galli. Þess vegna eiga margir markmenn tvö pör: slitsterka æfingahanska og mjúka leikjahanska sem geymdir eru fyrir leiki.

Skoðaðu alla markmannshanskana — T1TAN línan okkar nær frá Classic byrjendahönskum upp í keppnishanska atvinnumanna.

4. Fyrir yngstu markmennina

Í barnahönskum skiptir sterk úlnliðsfesting og einföld passform mestu. Junior 3.0 línan frá T1TAN er hönnuð fyrir hendur í vexti.

5. Láttu hanskana endast

• Vættu lófann örlítið fyrir leik — þurrt latex grípur verr og slitnar hraðar.
• Handþvoðu í volgu vatni eftir notkun, aldrei í þvottavél, og þurrkaðu við stofuhita.
• Gripsprey eins og Gloveglu MegaGrip endurvekur grip í eldri hönskum.

Algengar spurningar

Hvað eiga hanskar að endast lengi?

Æfingahanskar hjá virkum markmanni: 3–6 mánuði. Leikjahanskar endast heilt tímabil ef þeir eru bara notaðir í leikjum.

Eru fingurvarnir (fingersave) nauðsynlegar?

Fyrir unga markmenn geta þær aukið öryggistilfinningu. Margir eldri markmenn sleppa þeim fyrir betri boltatilfinningu — þetta er smekksatriði.

Komdu í Faxafen 12 og mátaðu — starfsfólkið okkar eru markmannanördar og hjálpa þér að finna réttu stærðina.